Transcription
1
Monsieur de Gordes, incontinent après estre entré en mon gouvernement,
2
j’euz nouvelles que les habitans de la ville d’Usès, qui sont presque
3
tous de la nouvelle opinion, se sont rebellez, et avec l’aide de quelques-
4
ungs de Nymes, après avoir longuement entretenu monsieur de
5
Joyeuse de parolles, se sont renduz maîtres de ladite ville. Et
6
depuis, j’ay esté resolu par le commissaire Viart, que j’avoys
7
renvoyé vers ceux de Nymes, de leur mauvaise vollunté,
8
de quoy tout aussitost vous ay bien voullu donner advis,
9
afin de prendre garde à vous, mesmement aux passages
10
du Rosne, parce que, comme ilz se ventent, ilz espèrent
11
que Monbrun yra se joindre avec eulx. Au demeurant,
12
je vous prie m’envoyer incontinent sur la rivière par bateaux,
13
les compagnies corses droict à Montfrin pour commencer
14
de m’en aider, suivant ce que j’en escriptz au sieur Alphonce
15
leur colonnel. Et me faictes souvent part de voz
16
nouvelles s’il vous plaist. Et en atendant, je me
17
recommenderay bien affectueusement à votre bonne
18
grace, priant Dieu vous donner, Monsieur
19
de Gordes, en bonne santé, longue vie. Du Pont-Saint-Esprit,
20
ce XXIIIe octobre 1572.
21
Votre plus affectionné et asseuré
22
amy
23
H de Montmorancy